Maadaama uu COVID-19 sii wado dhibaatada uu ku hayo bulshooyinkayaga, waxaan raadineynaa qaabab aan nafis fiicaan ku siino inta la awoodi karo shaqaalaha daryeelka guriga iyo taageerada shaqsiyeed iyo bixiyeyaasha daryeelka shaqsiyadeed. Guddiga Maamulka waxay isla qaateen horumarinta dheefaha ee soo socota.

Dheefaha Wakhtiga Fasaxa Lacagta Leh ee COVID-19

Dheeftan waxaa loo cusboonaysiiyay 2022. Iyada oo loo marayo dheefta PTO ee COVID-19, shaqaalaha xaqa u leh waxay heli karaan ilaa iyo 80 saacadood oo ah wakhtiga fasaxa lacagta leh ee 2022. Waxaad codsan kartaa inta jeer ee ugu badan ee aad u baahan tahay inta aad buuxinayso shuruudaha xaq u yeelashada.

Xaq ayaad u yeelan kartaa haddii:

1. aad saacado lumisay ka dib Janaayo 1, 2021, iyada oo ay ugu wacan tahay mid ka mid ah shanta sababood ee xaq yeelashada ee la xiriira COVID-19;
2. aad shaqeysay ugu yaraan 40 saacadood oo ah saacadaha shaqada xaqa leh (sidoo kale loo yaqaano saacadaha kooxda gorgortanka), mid ka mid ah saddexda bilood ee ka horeeya muddada waqtiga aad lumisay saacadahaas; iyo
3. haddii uu Form W-9 (Foom W-9) kuugu jiro fayl yaala Benefits Administrative Office (Xafiiska Maamulka Dheefaha).

Dheeftan way sii jiri doontaa ilaa iyo sanduuqa lacagta la wada isticmaalo. Waxaan kugu dhiirigelineynaa inaad codsato sida ugu dhakhsaha badan isla marka aad xaq u yeelataba.

Si aad xaq ugu yeelato dheeftan, waa:

1. Inaad lumisay saacadaha shaqada xaqa leh ee la dabaro iyada oo ay ugu wacan tahay mid ka mid ah shanta sababood ee hoose; iyo
2. Inaad ka shaqeysay ugu yaraan 40 saacadood oo la dabaro mid ka mid ah saddexda bilood ee ka horeysa bisha aad lumisay saacadaha la dabaro mid ka mid ah sababaha hoose aawadood; iyo
3. Inuu Form W-9 (Foom W-9) kuugu jiro fayl yaala Benefits Administrative Office (Xafiiska Maamulka Dheefaha).

Shuruuda 1-aad: Inaad lumisay saacado shaqo iyada oo ay ugu wacan tahay mid ka mid ah sababaha hoose:

1. Waxaa kugu dhacay COVID-19 oo la xaqiijiyay;
2. Waxaa kugula taliyay xirfadle caafimaad oo aqoonsi leh* inaad is karantiisho iyada oo ay ugu wacan tahay beylah noqosho macquul ah oo aad u beylah noqotay COVID-19;
3. Waxaad leedahay calaamadaha COVID-19 waxaadna ku hawlan tahay raadinta baaritaan caafimaad oo aad ka hesho xirfadle caafimaad oo aqoonsi leh;
4. Waxaad daryeel siineysaa shaqsi, kaas oo sharci ahaan aad mas’uul ka tahay ama aad la nooshahay, oo haddana ku jira karantiil ama go’doomin uu amray xirfadle caafimaad oo aqoonsi leh*; iyo/ama
5. Waxaad daryeeleysaa ilmo kaas oo sharci ahaan aad mas’uul ka tahay oo haddana dugsigiisa ama xaruntiisa daryeelka xannaanada loo xiray taxaddarada COVID-19 aawadeed haddana aysan jirin shaqsiyaad kale oo la heli karo oo u qalma*** inay daryeelaan limahaaga (carruurtaada).

Xirfadle caafimaad oo aqoonsi leh waa bixiyaha daryeelka caafimaad ee shatiyeysan loona tabbabaray inuu bixiyo adeegyo caafimaad. Tani waxaa ka mid ah dhakhaatiiirta, kaaliyeyaasha dhakhaatiirta, kaalkaaliyaha tabbabaranaya, kaalkaaliyaha diiwaangashan. Ujeeddada dheeftan aawadeed, Raadraacayaasha la shaqeynaya maaumalada caafimaadka fayo-dhworka ee deegaanka—sida Oregon Health Authority (Maamulka Caafimaadka ee Oregon) — waxaa loo tixgeliyaa inay yihiin xirfadleyaal caafimaad oo aqoonsi leh.

** Qof u qalma daryeelka ilmaha waa qof wayn oo shatiyeysan ama aan shatiyeysnayn oo aad ku aaminto inuu daryeel ammaan leh siiiyo ilmahaaga. Tani waxaa ka mid noqon kara daryeel bixiyaha ilmahaaga ee joogtada ah, xarun daryeel oo shatiyeysan, ama xubin qoys.

Ka eeg qaybta Su’aalaha iyo Jawaabaha wixii macluumaa dheeraad ah ee ku saabsan sababaha loo lumiyo saacadaha shaqada.

Shuruuda 2-aad: Inaad ka shaqeysay ugu yaraan 40 saacadood oo la dabaro mid ka mid ah saddexda bilood ee ka horeysa bisha aad lumisay saacadaha la dabaro ee sabab la oggolyahay aawadeed.

Si aad xaq ugu yeelato dheeftan, waxaad u baahan tahay inaad shaqeysay ugu yaraan 40 saacadood mid ka mid ah saddexda bilood ee ka horeeya muddada waqtiga ee aad lumisay saacadahaas.

Tusaale ahaan, haddii aad saacado lumiso Febraayo 2021, waxaad u baahan tahay inaad ka shaqeysay ugu yaraan 40 saacadood Janaayo 2021, Diseembar 2020, ama Noofeembar 2020 si aad xaq ugu yeelato.

Shuruuda 3-aad: Inuu Form W-9 (Foom W-9) kuugu jiro fayl yaala Benefits Administrative Office (Xafiiska Maamulka Dheefaha).

Dheefaha PTO (Waqtiga Fasaxa Mushaharka Leh) ee COVID-19 waa la canshuuraa; sidaas darteed, waxaad u baahan tahay inuu Form W-9 (Foom W-9) kuugu jiro fayl yaala Benefits Administrative Office (Xafiiska Maamulka Dheefaha). Haddii aadan hubin inuu foomka W-9 kuu yaalo Benefits Administrative Office (Xafiiska Maamulka Dheefaha) waxaan kugula talineynaa inaad mid buuxiso si uu kaaga caawiyo inaad iska ilaaliso inay kaa soo daahdo lacag bixinta dheefta.

Tallaalka COVID-19

Ilaali naftaada, ilaa dadka kale, oo naga caawi inaan soo af-jarno saf-markan.

Tallaalka ayay hadda heli karaan dhammaan shaqaalaha daryeelka guriga iyo taageerada shaqsiyeed ee Oregon Si aad u qabsato booski aad ku heli lahayd kuurahaaga koowaad ee COVID-19, fadlan ku qabso balantaada tallaalka sida ugu dhaqsaha badan ee macquulka ah!

• Gobalka Oregon ayaa heysa macluumaad ku saabsan halka aad ka heli karto cirbada tallaalkaaga. Halkan guji si aad faahfaahin u hesho.
• Kaiser Permanente waxay tallaal siisaa xubanaha ka mid ah iyo aan ka mid ahayn Kaiser Permanente labaduba. Halkan guji si aad u hesho faahfaahin dheeraad ah.
• Oregon Home Care Commission, OHCC (Guddiga Daryeelka Guriga ee Oregon), Oregon Health Authority, OHA (Maamulka Caafimaadka ee Oregon), iyo Carewell SEIU 503 Benefits ayaa kafaala qaadaya munaasabadaha tallaalka. Halkan guji si aad faahfaahin u hesho.

Tallaalada COVID-19 waxaa si taxadar leh loogu qiimeeyay tijaabooyinka caafimaad waxaana ansixiyay FDA sababta oo ah waxay aad u yareynayaan inuu kugu dhaco COVID-19. Isku geynta inaad tallaal qaadato iyo inaad raacdo talooyinka CDC si aad naftaada u ilaaliso iyo dadka kale ayaa ilaalada ugu fiican ka bixineyso COVID-19 oo naga caawineyso inaan ka guuleysano xanuunkan.

Ma jiraan wax amarro ah oo kugu qasbaya inaad qaadato tallaalka. Balse midowgeena wuxuu taageeraa shaqaalaha daryeelka caafimaadka, shaqaalaha lagama maarmaarka ah, iyo dadweynaha guud ee qaadanaya tallaalka si loo dabar gooyo COVID-19 oo loo bilaabo geeddi-socodka dib looga soo kabsanayo safmarkan.

Baaritaanada COVID-19 ee Bilaashka ah

Ka hel baaritaanadaada bilaashka ah United States Postal Service

Guji halkan hoose si aad u dirsato dalabkaaga Baaritaanada COVID-19 ee Guriga ee Bilaashka ah. Ogoow: kani waa barnaamijka federaalka, ma ahan dheefta Carewell. Haddii aad wax su’aalo ah ka qabto midan, fadlan la xiriir USPS.

Dheefta Baaritaanka COVID-19 ee Carewell

Laga bilaabo Seteembar 1, 2021, dheefta Baaritaanka COVID-19 ee Carewell lama sii heli karo. Tani waxay ka dhigan tahay inaadan xirmada baaritaanka ku sii codsan karin dheeftan. Sikastaba ha ahaatee, haddii aad xirmada baaritaanka ka hesho Innovare, wali waad isticmaali kartaa waxaadna u diri kartaa Innovare si looga shaqeeyo.

Warqadda Shaqaalaha Lagama Maarmaanka ah

Shaqaalaha daryeelka guriga iyo taageerada shaqsiyeed badankood ayaa raadiyay qaab ay ku cadeyni karaan inay yihiin daryeel bixiyeyaal, sidaas awgeedna ay yihiin shaqaalaha lagama maarmaanka ah. Halkan guji oo dhameystir foomka, waxaana si toos ah iimayl laguugu soo diri doonaa warqad caddeneysa inaad tahay shaqaale lagama maarmaan ah.