Si loo hubiyo inaad sii wadato helitaanka Caawinta Kharashka Daryeelka Caafimaadka, fadlan xasuuso inaad:

• Si joogta ah u soo gudbiso warqadahaaga saacadaha la shaqeeyay iyo/ama foojaradaada mushaharka xilli mushahareed walbo.
• Iska ilaaliso inaad soo diiwaangeliso 0 saacadood oo ah kuwa shaqo 2 bilood oo isku xigta. Inaad 2 bilood oo isku xigta shaqo la'aan ahaato waxay kuu horseedi kartaa inaad lumiso dheefahaaga Carewell SEIU 503, oo ay ku jirto Caawinta Kharashka Daryeelka Caafimaadka. Xaaladdaan, waxaad weli sii haysan doontaa qorshahaaga caymiska Goob-Suuqeedka, laakiin waa inaad adigu bilowdaa inaad iska bixiso khidmadaha ama aad raadsato caymis kale sida Oregon Health Plan.
• Ka dhigto tii ugu danbeeyay xogtaada khaaska ee ay hayaan Carewell SEIU 503 iyo loo-shaqeeyahaaga.
• Gudbi Foomka Codsashada Dheefaha Kaalmada Kharashka Daryeelka Caafimaadka sanad walbo oo aad xaq u yeelato dheeftan.
• Ku siiso khidmadahaaga caymiska bil'laha ah shirkada caymiska waqtigii loogu talagalay, oo aad la socoto lacagahaaga khidmada ceymiska ee bil'laha ah. Shirkadaada caymiska ayaa joojin karta qorshahaaga caymsika haddii lacagaha la bixin waayo.
• Ugu soo gudbiso Goob-Suuqeedka Isbeddel kasta oo ku yimaadda macluumaadkaaga 60 maalmood gudahood. Waxaan diyaar u nahay inaan kaa caawino midaan. Wac oo kaliya 1-844-503-7348 si aad u hesho caawin.
• Inaad la socoto xaraynta cashuurtaada.

Sida ugu dhakhsiyaha badan ee aad ku heli karto lacag celintaada waa adiga oo buuxiya foomamka soo socda onlayn!

Foomka Sheegashada Magdhawga Khidmada Caymiska Bil'laha ah ee Caafimaadka

Foomka Sheegashada Magdhawga Khidmada Caymiska Bil'laha ah ee Caafimaadka (Onleen)

U isticmaal Foomka Sheegashada Magdhawga Khidmada Caymiska Bil'laha ah ee Caafimaadka:

• Magdhawga khidmadaha caymiska ee bil'laha ah haddii ay xubnaha qoyska kaala diiwaangashan yihiin qorshaha caymiskaaga. Waxaad kaliya sheegan kartaa qaybta khidmada caymiska bil'laha ah ee u dhiganta caymiskaaga gaarka ah haddii aad ka diiwaangashan tahay ceymiska la aqoonsan yahay ee Goob-suuqeedka Ceymiska Caafimaadka. Haddii aad u baahan tahay in lagaa caawiyo xisaabinta qaddarka khidmadaada caymiska bil'laha ah ee gaarka ah, la xidhiidh shirkadaada caymiska ama Valley Insurance Professionals (503-480-0499 ext. 7). Fadlan soo gudbi foomkan iyo koobiga biilka khidmadaada caymiska ee bil kasta.
• Haddii aad xaq u leedahay inaad heshomagdhawga khidmadaha ceymiska ee bil'laha ah ee celceliska ah (APR) ee ku meelgaarka ah ee loogu talagalay qorshaha aan la ansixinin ee Goob-Suuqeedka Caymiska Caafimaadka.

Foomka Codsashada Magdhawga Ameriflex

Foomka Codsashada Magdhawga Ameriflex (Online)

Isticmaal Foomka Codsashada Magdhawga Ameriflex si aad u dalbato lacag celinta:

• Kharashyada caafimaadka ee jeebka laga bixiyo ee caymiska leh haddii aad ka bixisay jeebkaaga. Tusaale ahaan, haddii aad jaabkaaga ka bixisay daawada dhaktarku uu qoro adigaa oo aan wadanin Kaarkaaga Dukaameysiga ee Dheefta wakhtigaas.
• Kharashyada Medicare ee jeebka laga bixiyo ee caymiska leh haddii aad ka bixisay jeebkaaga. Tusaale ahaan, haddii aad jaabkaaga ka bixisay daawada dhaktarku uu qoro adigaa oo aan wadanin Kaarkaaga Dukaameysiga ee Dheefta wakhtigaas.
• Khidmada Caymiska Bil'laha ah ee Caafimaadka – khidmada caymiska bil'laha ah ee saafiga ah ee ceymiska gaarka ah ee la aqoonsan yahay ee laga soo gato Goob-Suuqeedka Caymiska (ma ahan qorshaha caymiska qoyska, ma ahan magdhawga khidmadaha ceymiska ee bil'laha ah ee celceliska ah).

Inaad lumiso dheefaha Carewell SEIU 503 kama dhigno inaad luminayso ceymiskaaga caafimaadka! Balse dhamaadka bishaada muddo kordhinta, Kaarkaaga Dukaameysiga ee Dheefta (BCC) ayaa la xiri doonaa waxaadna bilaabi doontaa inaad iskaa u bixiso khidmadahaaga caymiska ee bil'laha iyo kharashyada caafimaadka ee jaabka laga bixiyo.

Ha tuurin kaarkaaga BCC!  Haddii aad xaq u yeelato Kaalmada Kharashka Daryeelka Caafimaadka mar labaad, waxaad awoodi doontaa inaad mar kale isticmaasho kaarkaaga.

Xusuusnoow! Haddii aad ka hagaajisatay lacag bixinta tooska ah shirkadaada caymiska, waxaad u baahan doontaa inaad la xiriirto shirkadaada si aad u cusboonaysiiso macluumaadkaaga lacag bixinta. Guji halkan si aad u hesho macluumaadka meesha lagala xidhiidho shirkadaha (sida Kaiser Permanente, Moda, ama Providence).

Haddii aad caymis ka haysato caymiska Goob-Suuqeedka:

• Ku bixi lacagaha khidmadaada caymiska bil'laha ah wakhtiga saxda ah, ama waxaad caymiska ku wayn kartaa inaadan lacagta bixinin. Luminta xaq yeelashada Kaalmada Kharashka Daryeelka Caafimaadka ma ahan Dhacdo Nololeed Muteysi Leh, marka waxaad u baahan kartaa inaad sugto ilaa iyo laga gaaro Open Enrollment (Muddada Diiwaangelinta Sanadlaha ah ee Ceymiska Caafimaadka) ee xigta si aad iskaga diiwaangeliso caymiska caafimaadka.
• Cusboonaysii codsigaaga Goob-suuqeedka haddii dakhligaaga uu isbaddelay.

Haddii dakhligaaga uu hooseeyo inaad lumisay saacado shaqo aawadeed, waxaad xaq u yeelan kartaa caymiska Goob-suuqeedka. Waxaad codsan kartaa wakhti walbo sanadka:

• Oregon Health Plan (OHP) ee Oregon — guji halkan si aad u gasho websaydhka.
• Apple Health in Washington — guji halkan si aad u gasho websaydhka.

Haddii aad leedahay caymiska Goob-Suuqeedka, waxaad buuxin doontaa Foomka Codsashada Dheefaha Kaalmada Kharashka Daryeelka Caafimaadka si aad wax inoogu sheegto qorshahaaga caymiska iyo khidmadahaaga caymiska bil'laha ah. Waxaan sidoo kale kuu soo jeedinaynaa inaad wacdo 1-844-503-7348 si aad u xaqiijiso in dheefahaaga Kaalmada Kharashka Daryeelka Caafimaadka (HCA) ay dib u bilowdaan habsan la'aan.

Haddii aad kaydsatay kaarkaaga Kaarka Dukaameysiga ee Dheefta (BCC), waxaad wali awood u lahaan doontaa inaad isticmaasho, marka laga reebo in la dhaafay taariikhda dhicitaanka ee korka kaga qoran. Fadlan ogoow in Ameriflex, Maamulaha BCC, ay qaybisay kaarar cusub Luuliyo 2022. Haddii aad heshay kaarkaaga BCC ka hor taariikhdaas, ma sii shaqaynayo, iyada oo aan loo eegaynin taariikhda ay dhacayso.

Haddii aadan haysanin kaarka BCC oo ansax ah, ka wac Carewell SEIU 503 lambarka 1-844-503-7348 si aad dalbato kaar cusub.

Haddii aadan haysanin caymis caafimaad, ma awoodi doontid inaad isku diiwaangeliso qorshaha caymiska caafimaad ee ku jira Goob-suuqeedka Caymiska Daryeelka Caafimaadka ilaa iyo laga gaaro Open Enrollment (Muddada Diiwaangelinta Sanadlaha ah ee Ceymiska Caafimaadka), marka laga reebo inaad xaq u leedahay Muddada Diiwaangelinta Gaarka ah. Open Enrollment (Muddada Diiwaangelinta Sanadlaha ah ee Ceymiska Caafimaadka) waxay sida caadiga ah bilaabataa Noofeembar 1 ee caymiska sanadka soo socda. Ilaa iyo aad iska diiwaangeliso qorshaha caymis ee la oggolyahay ee Goob-Suuqeedka caymiska, ma awoodi doontid inaad hesho dheefaha Kaalmada Kharashka Daryeelka Caafimaadka.

Waxaa laga yaabaa inaad xaq u leedahay Kaalmada Kharashka Daryeelka Caafimaadka haddii aad xaq u leedahay dheefaha Carewell SEIU 503 ka dib dhammaadka Muddada Diiwaangelinta Sanadlaha ah ee u dambeysay oo aad iska qortay qorshaha aan la ansixinin ee Goob-Suuqeedka caymiska caafimaadka. Xaaladan, waxaad heli doontaa Kaarkaaga Dukaameysiga ee Dheefta si aad ugu bixiso kharashyada jaabka aad ka bixiso ee caymiska leh. Waxaad sidoo kale xaq u yeelan doontaa magdhawga kharashyada khidmadaada caymiska ee ilaa iyo midkood

• cadadka khidmadaada caymiska bil'laha ah ee dhabta ah, ama
• lacagta khidmada celceliska ah ee ay heleen adeeg bixiyeyaasha u qalma iyada oo loo marayo Kaalmada Kharashka Daryeelka Caafimaadka, hadba midki yarada.

Si aad u sii wadato helitaanka Kaalmada Kharashka Daryeelka Caafimaadka ka dib dhamaadka sanadka, waa inaad iska qortaa qorshe ceymis oo la oggolyahay sida ugu dhakhsaha badan ee suuragalka ah oo aan ka danbaynin Open Enrollment (Muddada Diiwaangelinta Sanadlaha ah ee Ceymiska Caafimaadka) (oo inta badan u dhaxaysa Noofeembar 1 and Diseembar 15 ee caymiska sanadka soo socda). Haddii kale, Kaalmada Kharashka Daryeelka Caafimaadku waxay joogsan doontaa dhammaadka sanadka.

Guji halkan si aad u hesho faahfaahin dheeraad ah. Si aad u hubiso haddii aad xaq u leedahay celceliska magdhawyada khidmadaha caymiska, wac 1-844-503-7348.

Khidmada caymiskaaga saafiga ah waa qaddarka bishii ee ay tahay inaad siiso shirkaddaada caymiska si aad u ilaaliso caymiskaaga. Tusaale ahaan, haddii lacagta khidmada caymiska bil'laha ah ee guud (qiimaha dhamaystiran ee khidmada caymiska ee bil'laha ah ee shirkadaada) ay tahay $500 bishii iyo haddii Canshuur Celintaada Khidmadaha ee Hormariska ah ama APTC (gargaarka maaliyadeed ee ay bixiso dowldada federaalka ah) ay tahay $200 bishii, khidmadaada caymiska bil'laha ah ee saafiga ah ayaa noqon doona $300 bishii.

Kaarkaaga Dukaameysiga ee Dheefta wuxuu u shaqeeyaa sida kaadhka deynta caadiga ah, isaga oo leh 2 farqi oo muhiim ah:

1. Kaarkaagu isticmaalkiisu wuu xaddidan yahay, taasoo la macno ah inaad kaliya u isticmaali karto kharashyada la daboolay ee ku hoos qoran "Maxaan u isticmaali karaa Kaarka Dukaameysiga ee Dheefta inaan ku bixiyo?"

2. Kaarkaga kuma isticmaali kartid ATM-ka ama inaad dib u hesho lacag caddaan ah markaad wax iibsanayso.

Waxa ku jira labo akoon Kaarkaaga Dukaameysiga ee Dheefta. Hal akoon ayaa hore loogu sii shubay lacagta sannadlaha ah ee lagu bixinayo khidmadaha adegga ceymiska ee caafimaadka iyo daawooyinka dhakhtarku qoro, lacgaha la jaro, iyo kharashyada lacagaha haraaga lacag jarista kadib ee adeegyada caymiska leh iyo dawooyinka dhakhtarku qoray. Sanadka 2024, lacagtaasi waa $6,900, laakiin tani way isbedeli kartaa sanadba sanadka ka dambeeya. Akoonka kale waxa lagu sii shubay qaddarka lagama maarmaanka u ah in lagu bixiyo khidmadaha saafiga ah ee bilaha ah: qaybta khidamada ceymiska caafimaadkaaga gaarka ah ee aan lagu dabarin canshuur celintaada khidmadaha ee hormariska ah ee federaalka (APTC).

• Biilkaaga saafiga ah ee khidmadaha billaha ah ee qorshaha goobta Suuqa ee la ansixiyay.
• Lacagta lagaa jarayo ee lagu dabaqi karo qorshahaaga caymiska Goob-suuqeedka. Lacagta laga jari karo waa cadadka ay tahay inaad ku bixiso adeegyada uu qorshahaaga caymisku daboolayo ka hor inta aanu caymisku bilaabin inuu bixiyo. 
• Khidmada ceymiska ee adeegyada caafimaadka iyo daawoyinka uu daboolay qorshahaaga goobta Suuqa ee la ansixiyay. Khidmada ceymiska (ama qayb bixinta) waa qaddar go'an oo qorshahaaga caymisku kaaga baahan karo inaad bixiso, oo badanaa waxay ku beegan tahay wakhtiga aad hesho adeegga ama warqadda daawada. 
• Caymiska adeegyada caafimaadka iyo daawoyinka uu daboolay qorshahaaga goobta Suuqa ee la ansixiyay. Lacagaha haraaga lacag jarista kadib waa boqolkiiba kharashyada ay tahay inaad bixiso adeegyada uu daboolo qorshahaaga caymiska. Wadaagista kharashku waxay u dhaxayn kartaa boqolkiiba 20% ilaa 50% ee adeega la daboolay, iyadoo ku xidhan qorshahaaga caymiska. Tusaale ahaan, haddii qorshahaaga caymisku leeyahay "80/20" qabanqaabada lacagaha haraaga lacag jarista kadib, tani waxay la macno tahay, ka dib markaad bixiso wax kasta oo laga jari karo, shirkaddaada caymisku waxay bixin doontaa 80% qiimaha kharashka caafimaadka ee la daboolay oo waa inaad bixiso 20% soo hadhay. 

Lacagta Cashuurta Hormariska ah (APTC) waa canshuur celin ay bixiso dawlada dhexe oo aad isticmaali karto si aad hoos ugu dhigto bixinta caymiskaaga billaha ah (loo yaqaano "khidmad") markaad iskaqorto qorshaha goobta Suuqa Caymiska Caafimaadka. Canshuuur cellintaadu waxay ku salaysan tahay qiyaasta dakhliga iyo macluumaadka qoyska ee aad ku dhejisay codsigaaga goobta Suuqa. Haddii dakhligaaga lagu qiyaasay inuu u dhexeeyo boqolkiiba 100% iyo 400% ee Khadka Saboolnimada Federaalka, waxaad u qalantaa khidmada canshuur cellinta.