Kaalmada Kharashka Daryeelka Caafimaadka ee ku meel-gaadhka ah ayaa laga yaabaa inaad heli karto haddii aad noqoto qof xaq u leh helitaanka dheefaha Carewell SEIU 503 wakhtiga ka baxsan Muddada Diiwaangelinta Sanadlaha ah oo aadna iska qortay qorshaha aan la ansixinin ee Goob-Suuqeedka Caymiska Caafimaadka. Xaaladan, waxaad heli doontaa Kaarkaaga Dukaameysiga ee Dheefta si aad ugu bixiso kharashyada jaabka aad ka bixiso ee caymiska leh. Waxaad sidoo kale xaq u yeelan kartaa lacag-celinada ku meel gaadhka ah ee khidmadahaaga ceymiska caafimaadka ee bil’laha ah.

Macluumaad dheeraad ah ayaa laga heli karaa Su’aalahan Inta Badan La Isweydiiyo.

Si aad u sii wadato helitaanka Kaalmada Kharashka Daryeelka Caafimaadka ka dib dhamaadka sanadka, waa inaad iska qortaa qorshe ku jira Goob-suuqeedka oo ay ansixisay Carewelll sida ugu dhakhsaha badan ee aad awoodo oo aan ka danbaynin Muddada Diiwaangelinta Sanadlaha ah (guud ahaan inta u dhaxaysa Nofeembar 1 iyo Diseembar 15). Haddii kale, Kaalmada Kharashka Daryeelka Caafimaadku waxay joogsan doontaa dhammaadka sanadka.

Si aad u hubiso haddii aad xaq u leedahay dheefaha Kaalmada Kharashka Daryeelka Caafimaadka ee ku-meel-gaadhka ah, wac 1-844-503-7348.

Khidmada caymiskaaga saafiga ah waa qaddarka bishii ee ay tahay inaad siiso shirkaddaada caymiska si aad u ilaaliso caymiskaaga. Tusaale ahaan, haddii lacagta khidmada caymiska bil’laha ah ee guud (qiimaha dhamaystiran ee khidmada caymiska ee bil’laha ah ee shirkadaada) ay tahay $500 bishii iyo haddii Canshuur Celintaada Khidmadaha ee Hormariska ah ama APTC (gargaarka maaliyadeed ee ay bixiso dowldada federaalka ah) ay tahay $200 bishii, khidmadaada caymiska bil’laha ah ee saafiga ah ayaa noqon doona $300 bishii.

Kaarkaaga Dukaameysiga ee Dheefta wuxuu u shaqeeyaa sida kiridhit kaadhka caadiga ah, isaga oo leh 2 farqi oo muhiim ah:

1. Kaarkaagu isticmaalkiisu wuu xaddidan yahay, taasoo la macno ah inaad kaliya u isticmaali karto kharashyada caafimaadka ee la daboolay ee ku hoos qoran “Maxaan u isticmaali karaa Kaarka Dukaameysiga ee Dheefta inaan ku bixiyo?”
2. Kaarkaga kuma isticmaali kartid ATM-ka ama inaad dib u hesho lacag caddaan ah markaad wax iibsanayso.

Waxa ku jira 2 akoon Kaarkaaga Dukaameysiga ee Dheefta. Hal akoon ayaa hore loogu sii shubay lacagta sannadlaha ah ee lagu bixinayo khidmadaha adegga ceymiska ee caafimaadka iyo daawooyinka dhakhtarku qoro, lacgaha la jaro, iyo kharashyada lacagaha haraaga lacag jarista kadib ee adeegyada caymiska leh iyo dawooyinka dhakhtarku qoray. Sanadka 2026, lacagtaasi waa $8,000, laakiin tani way isbedeli kartaa sanadba sanadka ka dambeeya. Akoonka kale waxa lagu sii shubay qaddarka lagama maarmaanka u ah in lagu bixiyo khidmadaha saafiga ah ee bilaha ah: qaybta khidamada ceymiska caafimaadkaaga gaarka ah ee aan lagu dabarin canshuur celintaada khidmadaha ee hormariska ah ee federaalka (APTC).

• Biilkaaga saafiga ah ee khidmadaha billaha ah ee qorshaha kujira Goob-suuqeedka ee ay Carewell ansixisay.
• Lacagta lagaa jarayo ee lagu dabaqi karo qorshahaaga caymiska Goob-suuqeedka. Lacagta laga jari karo waa cadadka ay tahay inaad ku bixiso adeegyada uu qorshahaaga caymisku daboolayo ka hor inta aanu caymisku bilaabin inuu bixiyo.
• Khidmada ceymiska ee adeegyada caafimaadka iyo daawoyinka uu daboolay qorshahaaga goobta Suuqa ee la ansixiyay. Khidmada ceymiska (ama qayb bixinta) waa qaddar go’an oo qorshahaaga caymisku kaaga baahan karo inaad bixiso oo badanaa waxay ku beegan tahay wakhtiga aad hesho adeegga ama warqadda daawada.
• Caymiska adeegyada caafimaadka iyo daawoyinka uu daboolay qorshahaaga goobta Suuqa ee la ansixiyay. Lacagaha haraaga lacag jarista kadib waa boqolkiiba kharashyada ay tahay inaad bixiso adeegyada uu daboolo qorshahaaga caymiska. Wadaagista kharashku waxay u dhaxayn kartaa boqolkiiba 20% ilaa 50% ee adeega la daboolay, iyadoo ku xidhan qorshahaaga caymiska. Tusaale ahaan, haddii qorshahaaga caymisku leeyahay 80/20 qabanqaabada lacagaha haraaga lacag jarista kadib, tani waxay la macno tahay, ka dib markaad bixiso wax kasta oo laga jari karo, shirkaddaada caymisku waxay bixin doontaa 80% qiimaha kharashka caafimaadka ee la daboolay oo waa inaad bixiso 20% soo hadhay.

Lacagta Cashuurta Hormariska ah (APTC) waa canshuur celin ay bixiso dawlada dhexe oo aad isticmaali karto si aad hoos ugu dhigto bixinta caymiskaaga billaha ah (loo yaqaano “khidmad”) markaad iskaqorto qorshaha goobta Suuqa Caymiska Caafimaadka. Canshuur cellintaadu waxay ku salaysan tahay qiyaasta dakhliga iyo macluumaadka qoyska ee aad ku dhejisay codsigaaga goobta Suuqa. Haddii dakhligaaga lagu qiyaasay inuu u dhexeeyo boqolkiiba 100% iyo 400% ee heerka saboolnimada federaalka, waxaad u qalantaa khidmada canshuur cellinta.

Waa inaad u codsataa dhamaan canshuur dhinnada aad u qalanto si aad ugu bixiso khidmadaada ceymiska ee billaha.

Inta lagu jiro dhacdooyinkan qof ahaanta la soo xaadiraayo, kooxda Dheefta ee Carewell iyo la-hawlgalayaashayada caymiska, Valley Insurance Professionals, waxay dib u eegaan sida dheefaha Kaalmada Kharashka Daryeelka Caafimaadka u shaqeeyaan marka aad doorato qorshe ceymis oo ay ansixisay Carewell oo ku jira Goob-suuqeedka.

Waxaad:

• Wax ka baran kartaa qorshayaasha caymisyada caafimaad ee loo ansixiyay sannadka 2026
• Eeg sida ay u shaqayso Lacagta Cashuurta Hormariska ah (APTC) si loo dhimo khidmadahaaga billaha ah ee aad ku bixiso ceymiska
• Hel taageero ku aadan iska-diiwaangelinta qorshaha caymiska caafimaadka (caafimaadka) ee ay Carewell ansixisay ee ku jira Goob-suuqeedka
• Eeg u-qalmitaankaaga dheefaha Kaalmada Kharashka Daryeelka Caafimaadka ee daboolaya khidmadahaaga caymiska caafimaadka ee billaha ah (caafimaadka) iyo ilaa $8000 kharashyada caafimaadka ee aad jeebka ka bixiso sannadka 2026.

Guji halkan wixii macluumaad dheeraad ah!  

Dhammaan qorshayaasha ceymis ee lagu bixiyo gudaha Goob-suuqeedka ayaa daboolaya dheefahan 10-ka ah ee caafimaadka aasaasiga u ah:

• Daawooyinka uu dhakhtarku qoro
• Adeegyada sheybaadhka
• Daryeelka bukaan-socod ee aad hesho adigoon isbitaal lagu dhigin
• Adeegyada ka hortagga iyo fayoobi-qabida iyo maareynta cudurka dabadheeraadka ah
• Adeegyada xaaladaha degdega ah
• Isbitaal dhigista (sida qalliinka iyo joogitaanka habeenkii)
• Adeegyada caafimaadka dhimirka iyo ciladha isticmaalka muqaadaraadka, oo ay ku jiraan daaweynta caafimaadka hab-dhaqaneed (tan waxaa ka mid ah la-talinta iyo ku dabiibida xaaladaha maskaxeed hadalka iyo la-falgelida))
• Adeegyada baxnaaninta iyo dib u habeynta (adeegyada iyo aaladaha lagu caawiyo dadka qaba dhaawacyada, naafada, ama xaaladaha daba dheeraada inay helaan ama dib u soo kabtaan xirfadahoodii maskaxeed iyo jireed)
• Daryeelka xilliga uurka, umusha, iyo dhalida dhalaanka (ka hor iyo kadib ilmo dhalida labadaba)
• Adeegyada caafimaadka carruurta, oo ay ku jiraan daryeelka afka iyo aragga (laakin daryeelka ilkaha ee dadka waaweyn iyo caymiska aragga maaha dheefaha caafimaad ee aasaasiga ah)